សប្ដាហ៍ចុងក្រោយនៃខែតុលាបានក្លាយជាសប្ដាហ៍មិនល្អមួយសម្រាប់ក្រុមហ៊ុន Apple។
កាលពីថ្ងៃអង្គារក្រុមហ៊ុន Apple បានបញ្ចេញលទ្ធផលហិរញ្ញវត្ថុប្រចាំត្រីមាសទី ៣ របស់ខ្លួន ដែលបង្ហាញថាចំណូលបានធ្លាក់ចុះបើធៀបនឹងឆ្នាំមុន ហើយជាការធ្លាក់ចុះលើកទីមួយក្នុងរយៈពេល ១៥ ឆ្នាំចុងក្រោយ។ ក្រោយមកទៀតនៅថ្ងៃពុធ ក្រុមហ៊ុនបានប្រកាសពីពន្យារពេលចេញលក់កាសឥតខ្សែ AirPod ដែលដំបូងរំពឹងថានឹងចេញលក់នៅខែវិច្ឆិកា។
នៅយប់ថ្ងៃព្រហស្បតិ៍ឆ្លងចូលថ្ងៃសុក្រ Apple ប្រហែលសង្ឃឹមថានឹងអាចបង្វែររឿងរ៉ាវដែលកើតមានឲ្យជាល្អឡើងវិញបាន តាមរយៈការបញ្ចេញ MacBook Pro ជំនាន់ថ្មី។ ប៉ុន្តែ MacBook Pro ក្រៅពីមានមុខងារថ្មី Touch Bar ដែលជាចំណុចគួរចាប់អារម្មណ៍មួយ គ្មានចំណុចគួរចាប់អារម្មណ៍ផ្សេងលើសពីនេះឡើយ។ នេះក៏ប្រហែលតែដោយសារការប្រកាសចេញមួយកាលពីថ្ងៃពុធអំពីផលិត Surface Studio របស់ក្រុមហ៊ុន Microsoft។
Microsoft បានក្លាយជា Apple ថ្មីដែលមានអនុភាពខ្លាំងឡើង
No comments:
Write comments